MAZARICU
La bramida xunto a él yá la da por sentao,
qu’a cada poco’l mundu tien de tremar.
Cuerre, cuerre pal sur, idiáticu y torpe,
con pánicu controláu, estudiosu de Blake.
La playa gorgolexa como sebu. A la esquierda,
un pañu d’agua intermitente va y vien
y esmalta les sos pates escures y febles.
Cuerre, cuerre derechu, mirando pa los deos.
Mirando, más bien, los espacios d’arena ente ellos
onde (nun ye un detalle menor) drena l’Atlánticu
rápido arriba y abaxo. Mientres cuerre,
mira atento los granos que la resaca mueve.
El mundu ye una niebla. Depués el mundu
ye menudu y vastu y claru. La marea
ye más alta o más baxa. Nun sabría estremar.
Tien el picu orientáu; tamién ta esmolecíu,
buscando daqué cosa, daqué cosa, daqué cosa.
Probe páxaru, ¡ta obsesionáu!
Los millones de granos son negros, blancos, pardos y grises
mecíos con granos de cuarzu, rosa y amatista.
mecíos con granos de cuarzu, rosa y amatista.
 |
| Elizabeth Bishop |
No hay comentarios:
Publicar un comentario