Miraron equí

1 dic 2011

UN POEMA DE JOSIF BRODSKY

Josif Brodski

PAL CENTENARIU D’ANNA AJMATOVA

El papel y el fueu, el granu y les mueles,
el filu de la bruesa y el pelo segao,
too lo conserva dios; sobre too les palabres
de piedá y amor, como la so voz propia.

Nelles llate’l pulsu rotu, oise’l rillar de güesos,
la fesoria cute nelles; regulares y xordes
como la vida, una; en llabios mortales
suenen más clares que na bruma del más allá.

Dende la otra oriella, alma poderosa, inclínome énte ti
por dar con elles; énte ti y énte les tos cenices
qu’escansen na to tierra, y agradézote que dieres
col don de la palabra nesti universu xordu y mudu.
(Versión d’AG)

No hay comentarios:

Publicar un comentario